سلامات ياكورة بقلم : نصر عبد الحميد
شاعر العامية المنسى
عشنا وشوفنا وياما حكايات
زمن العجايب ومصايب ستات
زمن الفراودة عدى وفات
فراودة الهجوم والنص والباكات
فين زمان وكرة البهوات
قال من قلة الشنبات
عملوا فرقة من الستات
فرقة شروق وكمان فتكات
خطة ولعب نظام تلاتات
وتعالى يا بطة الثعلب فات
سلامات يا كورة
فريق بهية والست نورة
والتانية عزة وسنية قورة
سفرية برة لماتش كورة
تلفزيون يصور بكاميرا عورة
ومجلة تنشر للحلوة صورة
والعجلة دايرة وتلف دورة
والرف صفر والست نورة
الله ينور شايطة كورة
لعبة هايلة والبصرة فورة
والفرقة شايلة غلب نورة
نتيجة باينة مش عايزة شورة
سلامات ياكورة
ليست هناك تعليقات:
إرسال تعليق
يسرنى تعليقك ولا يضرنى نقدك
يهمنى تشريفك وتسجيل تعريفك