نحيكم بلغة العصر
ويرحب بيكم نصر
احلى سلام وتحية
آهلا بيكـم
بمدونة شاعر العاميه
مدون قصائد بالعاميه
ع الشبكه العنكبوتيه
آهلا بيكـم
معاكم قناة العصر
وياكم بمحطة مصر
تلقاكم بتحديد وحصر
عن مصر المحروسه
آهلا بكـم
تقدرتروح محطة مصر
وقت الضهر أو العصر
ولا بعد صلاة العصر
فى مصر المحروسه
آهلا بكـم
ف الزحمه تتعصرعصر
زحمة كلام ناس مصر
وزحمة ناس من بره مصر
المحروسه
آهلا بكـم
شوف ضيوف مصر
طوف بمحطة مصر
قبل صلاة العصر
فى ميدان المحروسة
آهلا بكـم
شوفنا ناس مبلمه وحزينه
طوفنا ع النافوره وتراسينه
دورنا على كل إيد امينه
فى ميدان المحروسة
آهلا بكـم
نويت تروح ميت رهينه
هويت سطوح فى الطينه
وبقيت رهينة ميت رهينه
يا رمز محطة المحروسة
آهلا بكـم
ساب اسواروقاعدة متينه
وجاب ثوار لهبره سمينه
ونام حزين فى ميت رهينه
على تراب المحروسة
آهلا بكـم
كتب الزمن رحيل رمسيس
دفع التمن ميدان رمسيس
مشى العريس وراء متاعيس
مصر المحروسة
آهلا بكـم
راحت المعالم والعلامات
تاهت السلالم والاتجاهات
ضاعت ياعالم الركوبات
فى محطة المحروسة
آهلا بكـم
خطوط اشكال علامات
مرور الوان تعليمات
فلوس ديون غرامات
فى ميدان المحروسة
آهلا بكـم
شله فى كل حته
فله وورده وبطه
بالقله والبراد حاطه
لكل زوار المحروسة
آهلا بكـم
بأكبر أسطول عيش وفول
فكر ازاى يعيش على طول
وفضل البشر يعيش مسطول
فى ميدان المحروسة
آهلا بكم
أتكلم على محمول فون
وأتعلم على أى تليفون
اتكلم براحتك بهلول فون
على رصيف المحروسة
آهلا بكم
كلام غرام ع المحطة
انغام سلام حب قاعـده
همام بيعشق أحلى بطه
وسهام العشق تحت تانده
والغرام قايد فلفل وشطه
على رصيف المحروسة
آهلا بكم
قرب الليلساعة المغارب
جرب وقابل قطر الحبايب
مقرب شايل حلم وعجايب
جاى مصر المحروسة
آهلا بكم
مش ح أقول دعاية واعلان
بس ح اقول كلام بالمجان
مش ح أبيع لاى حد زعلان
من ولاد مصر المحروسه
آهلا بكم
أدينا لابعنا ولا اشترينا
واخينا يـصبحنا ويمسينا
ما يدينا سلف ولا ناسينا
واتنسينا فى المحروسة
