بقلم نصر عبد الحميد شاعر العاميه المنسى
عشان ما تضربش على قفاك كمان ما يكسرش وراك زير
ما تعملش حاجه مضيقاك ما تفكرش ولا تحزن كتير
ما تكلمش ناس قرفاك وما تندمش وتبقى أسير
ما تزعلش وارمى وراك وما تحسدش غنى اوفقير
ما تخسرش ناس حباك وما تتكبرش ابدا وسير
ماتبخلش باللى معاك لصحافة بكره تجرى وراك
وللجرايد مكره ومنك ح تغير
بسخافة ناس لزقه فى قفاك
والعوايد برضه تكلفك كتير
وبلاطفة نجم الشباك
غرمان دولارودنانير
عرافه تنجم لقفاك
إعلان عمم وطراطير
وهيافة من ناس غشاك
بزفه وطبل وزمامير
وثقافة ناس منفقاك
وللنيه الحسنه سفير
وما تضربش على قفاك
لو أنت قاسى وشرير
شغل بودي جارد وراك
لوأنت طيب وأمير
أيه اللى فكرك بقفاك
إياك تسيب السرير
ايه قال جحا فى قفاك
هناك اسرار وفوازير
ومدام بعيد عن قفاك
اياك تغار يا وزير
ومش لازم تبص وراك
وخلى السر فى بير